Google ADS

Sherifi: U deshën 20 vite që Fehmi e Xhevë Lladrovci të rikthehen në bronz

15:11 | 22 Shtator 2018
M. A.

Shefi i Grupit Parlamentar të Nismës për Kosovën, ka përkujtuar rënien heroike të Fehmi e Xhevë Lladrovcit. Por, ka kritikuar shtetin, duke thënë se janë dashur 20 vite për tu rikthyer në bronz.

Sot janë bërë 20 vite nga rënia heroike e Fehmi dhe Xhevë Lladrovcit. Ata i ka përkujtuar edhe Bilall Sherifi nga Nisma për Kosovën. Por, ka kritikuar shtetin se vonë është kujtuar për ta.

Sherifi ka thënë se u deshën 20 vite për t’i rikthyer ata në bronz.

Ky është postimi i tij i plotë:

Sot bëhen 20 vite nga rënia heroike e Fehmi dhe Xhevë Lladrovcit.

Kur e kërkonte atdheu, ata ishin në kohën e duhur aty ku duhej!

Ne, si shpesh të vonuar kur duhet të mbrohet liria e Kosovës, të cilën e fituam me gjakun dhe mundin e tyre, përsëri u vonuam.

Në altarin e lirisë ata hynë me shpejtësi të rrufesë, për t’i rikthyer në bronz neve na u deshtën 2 dekada!

 

Shpërndaje në rrjete sociale

Lajmet më të lexuara

Të ngjashme

Foto lajm